Beroj - Haber / Rewşenbirê kurd Çerkezê Reş çû ser dilovaniya xwe

BEROJ/23.03.2008 - Niviskar û helbestkarê kurd ê êzîdî Çerkezê Reş ku li Kafkasyayê dijî jiyana xwe ji dest da. Çerkezê Reş ku li ser edebiyat û zimanê kurdî gelek xebatên hêja kirin, li paytexta Ermenîstanê Erîvanê di encama krîza dil de çû ser dilovaniya xwe. Ew bavê 2 zarokan bû û di heman demê de endamê Kongreya Neteweyî ya Kurdistanê (KNK). Çerkezê Reş di di sala 1955'an de li Erîvanê ji dayîk bû. Dibistana sereteyî û ya navîn li vir xwendin. Di sala 1970'ê de kete beşa Pedagojiyê ya Ensîtûtiya Erîvanê. Di nava 5 salan de xwendina xwe ya li vir bi dawî kir û teza xwe da Wêjenasê navdar ê kurd Haciyê Cindî û li cem wî dest bi asîstantiyê kir. Di 1980'an de ji heman bejê wesfa doktorayê wergir

Di vê navberê de pîrtûka xwe ya helbestan “Şereşa Peyvan” nivisand.

3 parêznameyên Rêberê Gelê Kurd Abdullah Ocalan di girtîgehê de nivîsandin ji bo zimanê ermenkî wergerandin. Dîsa pirtûka Federasyona Êzîdiyan a Ewropayê ya bi navê 'Êzîdîtî' jî li zimanê ermenkî wergerand û her wiha di rojnameyên kurdên Ermenistanê 'Mezopotamya' û' Micaget' de 10 salan redaktorî kir. Di van rojnameyan û gelek rojnameyên din ên kurdî de bi dehan gotar û nivîsên wî hatine weşandin.

Wî kurdên êzîdî û misilman nêzî hev kirin

Di 1980’an de ji ber ku doza mafên gelê kurd dikir ji sirgûnê Rûsyayê hate kirin. Di dema xebatên ji bo Kurdistana Sor de ew bi zimanzan Ezîzê Çewo re ji bo xebatên Wezareta Çandê hate peywirdarkirin. Piştî Kurdistana Sor faşil bû ji bo doza mafên gelê kurd ê li Kafkasyayê têkoşiya. Xebata wî bi giranî li ser nêzikkirina kurdên misilman û êzîdî dewam kir. Bi taybetî xwest berpirsyarên qetlîama li ser kurdên nemisilman hatiye meşandin derxe holê. Nûnerê kurdên Kafkaskayê yê KNK'ê bû û demekê serokatiya meclisa kurdan a xwecihî jî kir.

Çerkezê Reş ku beriya rojekê jiyana xwe ji dest da îro dê bi merasîmekê li gundê Zwartnovs ê ku lê ji dayîk bûye bê bibîranîn. Cenazeyê wî jî li heman gundî tê definkirin.

Azadiyawelat.com